MOTORRADSTAMMTISCH
„Kurvenstecher“
aus Donzdorf-Winzingen

START / Home   |  News   |  Galerie   |  Mitgliederliste   |  Datenschutz

Kurvenstecher-Bildergalerie:

(Klick in die Vorschaubilder öffnet eine größere Ansicht)



Hochzeit Karle & Luise



Der Sketch mit Gabi, Manne, Beppo und Krischi:

Seit 30 Johr, des wissat mir heit,
hemmr d'Luise net bloß zum Zeitvertreib.

Sie isch spontan, unkompliziert, macht laud'r verrickte Sacha,
doch ‚s beschde an ihr isch oifach ihr Lacha.

In ihrer Nähe brauch'sch immer a Zewa-Wisch,
d'r meischde Kaffee isch net in d'r Tass, sondern immer auf'm Disch.

Schwätza duat se net nur viel, sondern au gewand,
egal wo und an welchem Ort, d'Luise hot immer s'ledschde Wort.

Ois isch wirklich zum verfluacha,
d'Luise muß dauernd ihre Schlissl suacha.
Beim Landwirtschaftsamt isch'se in der Sache wohl bekannt.

Sie isch für jeden immer da mit viel Herz,
wo's immer got biagt se a Problem um zum Scherz.

Ihre Devise isch: Positiv Denga!
So versuch se immer ihr Leba zu lenga.

Ihr Lieblingsgetränk, den Sekt, kann nur noch toppa,
mit dem Karle abends auf der DKW zu - hocka.

Wia bei so viele, hot's au bei dene zwoi auf'm Kiarthof begonna,
seitdem isch wahrlich viel Zeit verronna.

Sie hot net lang überlegt - und ohne zu frocha,
hinein in Karle's Saidawocha.

Nach der ersten Runde "Ei der Daus",
war's mi'm Karle seiner Einsamkeit aus.

Doch d'Luise hot so viel Interessa,
d'rum hot se den Karle scho mol vergessa.

Au für'n Karle war's net immer leicht zu zweit,
für sei D-Rad hatte er aber immer Zeit.

Mir wissat net genau wia lang dia zwoi scho zamma sind,
auf jeden Fall erwardad se grad ihr erschdes Kind.

Konan soll des Kloine hoißa,
mir hoffat, es wird mol koine Baim ausreißa.

Drum schengat mir Eich jetzt an Baum
Und hoffat, des Kind hält sich im Zaum.

Ihr sollat Eier Liebe hege,
und simbolisch dieses Baimle pflega.

D'Luise wird ihr hella Freid han an de Bliada,
ond d'r Karle darf des Möschdle ziaga.

Glaubat ons, des isch a g'scheide Sort,
kauft direkt aus'm Nachbarsort.

Jetzt missat mir aber aufbassa, mir wellat eigentlich net beim Baimle verweila,
mir standat do, um Eich was mitzuteila.

Drum herat guat zua und haldad Eich feschd,
d'r Luise ihr Geburtsdag isch heid net's oinzige Feschd.

Sie hen sich nämlich draut....

Ja, ihr hen richdig verschdanda,
d'Probezeit hen se mit Bravour beschdanda.

Sind'se net glücklich, guggat'se oh,
seit heit morga send'se Frau ond Moh.

Zu guter Ledschd gibt's no zu saga,
jetzt müßt Ihr Eich Eier Leba lang ertraga.

Drum wünschat mir alle hier ond heit,
VIEL GLÜCK, LIEBE, SPASS UND FREID.